Friday, 9 February 2018

ഒരിക്കൽ ആരും കാണാതെ ഒരു ആശാരിയുടെ പണിപ്പുരയിലൂടെ ഇഴഞ്ഞ് നീങ്ങിയ ഒരു പാമ്പിന് ആശാരിയുടെ വാളിൽ നിന്ന് ചെറുതായി മുറിവേറ്റു...വേദനിക്കുമ്പോൾ തിരിഞ്ഞ് കൊത്തുക എന്ന പാമ്പിന്റെ സ്ഥിരം സ്വഭാവം കാണിച്ചപ്പോൾ വാളിൽ കൊത്തിയതിന്റെ ഫലമായി അതിന്റെ വായിൽ മുറിവ് പറ്റി... എന്താണ് സംഭവിക്കുന്നത് എന്നത് തിരിച്ചറിയാൻ കഴിയാത്തതിനാൽ ആശാരിയുടെ വാൾ തന്നെ ആക്രമിക്കുകയാണെന്ന് തെറ്റിദ്ധരിച്ച പാമ്പ് ആ വാളിനെ വരിഞ്ഞ് മുറുക്കാൻ തുടങ്ങി... തന്റെ ശകതിയെല്ലാം ഉപയോഗിച്ച് ശരീരം കൊണ്ട് വാളിനെ വരിഞ്ഞ് മുറുക്കിയ പാമ്പിന് അവസാനം ശരീരം മുറിഞ്ഞ് ചോര വാർന്ന് ജീവൻ നഷ്ടപ്പെട്ടു... ആരാണ്, എന്താണ്, ആരോടാണ് എന്നെല്ലാം തിരിച്ചറിയാൻ സാധിച്ചിട്ടും... ക്ഷമിക്കാനും, പൊറുക്കാനും , പൊരുത്തപ്പെടാനും സാധിക്കുമെങ്കിലും... അറിവില്ലാത്തതിന്റെ പേരിലൊ അബദ്ധത്തിലൊ മന: പൂർവ്വം തന്നെയോ... നമ്മെ വേദനിപ്പിച്ചവരെ അല്ലെങ്കിൽ അതിന് കാരണക്കാരായവരെ... തിരിഞ്ഞ് കൊത്താത്ത, വരിഞ്ഞ് മുറുക്കാത്ത എത്ര പേരുണ്ട് നമ്മിൽ..? പ്രതിരോധത്തിനാണെങ്കിലും വിവേകമോ മാനുഷിക ബുദ്ധിയോ ഇല്ലാത്ത പാമ്പ് അതിന്റെ വായിൽ കൊണ്ട് നടക്കുന്നതിനെ വിഷം എന്നാണ് നമ്മൾ വിളിക്കുന്നത്... പ്രിയമുള്ളവരെ... "പക വീട്ടാനുള്ളതല്ല..." പൊറുക്കാനും, പൊരുത്തപ്പെടാനുമുള്ളതാണ്... അത് മനസിൽ കൊണ്ട് നടക്കുന്ന കാലത്തോളം ചീഞ്ഞ് നാറുന്നത് നമ്മുടെ മനസ്സും കൂടെയാണ്..!! പെരുമാറ്റ വൈകൃതങ്ങളുടെ പുഴുക്കുത്തുകള്‍ ഒന്നിനുമീതെ ഒന്നായി ഹൃദയത്തില്‍ നിറയുമ്പോഴാണ് ആളുകള്‍ പരുക്കനാകുന്നതും പ്രവൃത്തിയും പെരുമാറ്റവും ദുഷിക്കുന്നതും... നല്ല പെരുമാറ്റമാണ് ഏറ്റവും വലിയ ശക്തിയെന്നറിയുക... സ്വഭാവമാണ് സൗന്ദര്യത്തേക്കാള്‍ മികച്ചത്... മനുഷ്യത്വമാണ് സമ്പത്തിനേക്കാള്‍ മികച്ചത്... എന്നാല്‍ ബന്ധങ്ങള്‍ സൂക്ഷിക്കുന്നതിനേക്കാള്‍ മികച്ചതായി ഒന്നുമില്ല... അനുഭവത്തേക്കൾ വലിയൊരു പാഠമില്ല... ബുദ്ധി കൊണ്ട് പരീക്ഷയിൽ ജയിക്കാം... പക്ഷെ... അനുഭവം കൊണ്ടേ ജീവിതത്തിൽ വിജയിക്കു... വീണ്ടുവിചാരത്തൊടെ മാത്രം ആഗ്രഹങ്ങളുണ്ടാക്കുക . ചിലപ്പോൾ അവ സഫലമായെന്നിരിക്കും.

›
Sunday, 21 January 2018

വീരശൂരപരാക്രമിയായ രാവണൻ മരണക്കിടക്കയിൽ രാമനോട് ഇങ്ങനെ പറയുകയുണ്ടായി... അല്ലയോ രാമാ..., ഞാൻ പല കാര്യങ്ങളിലും അങ്ങയെക്കാൾ ശ്രേഷ്ടനാണ്... ഞാൻ അങ്ങയെക്കാൾ ഉയർന്ന ജാതിയിൽ പെട്ട ബ്രാന്മണനാണ്... ഞാൻ വയസ്സിൽ നിന്നെക്കാൾ മൂത്തവനും ആണ്... എന്റെ കുടുബം നിന്റെ കുടുംബത്തെക്കാൾ വളരെ വലുതാണ്... എന്റെ കഴിവുകൾ നിന്നെക്കാൾ മികച്ചതാണ്... നിന്റെ ' കൊട്ടാരം മാത്രം സ്വർണ്ണ നിർമ്മിതമായിരുന്നു... എന്നാൽ എന്റെ ലങ്ക മുഴുവൻ സ്വർണ്ണ നഗരിയായിരുന്നു... ഞാൻ ബലത്തിലും... അംഗബലത്തിലും നിന്നേക്കാൾ എത്രയോ മുന്നിലാണ്... ജ്ഞാനത്തിലും തപോ ശക്തിയിലും ഞാൻ താങ്കളെക്കാൾ എത്രയോ ശ്രേഷ്ഠനാണ്... എന്നിട്ടും എനിക്ക് അങ്ങേക്ക് മുന്നിൽ തോൽക്കേണ്ടി വന്നു. അതിന് കാരണം ഒന്ന് മാത്രം... അങ്ങേയുടെ സഹോദരൻ ലക്ഷ്മണൻ ഈ യുദ്ധഭൂമിയിൽ അങ്ങയോടൊപ്പം ഒരു താങ്ങായും തണലായും നിന്നു... ഒരു വൻ വൃക്ഷത്തെപ്പോലെ... പക്ഷെ എന്റെ സഹോദരൻ, എനിക്കെതിരായും നിന്നു... സ്വന്തം സഹോദരൻ തണലായ് കൂടെയില്ലെങ്കിൽ വീരശൂരപരാക്രമിയായ രാവണൻ പോലും തോറ്റു പോകുമെങ്കിൽ പിന്നെ നമ്മുടെയൊക്കെ അവസ്ഥ എന്തായിരിക്കും... ഒന്നോർക്കുക... "മരം മുറിക്കാൻ ഉപയോഗിക്കുന്ന മഴുവിന്റെ പിടിയും മരത്തടി കൊണ്ട് തന്നെ ഉണ്ടാക്കിയതാണെന്ന സത്യം..." ബന്ധങ്ങൾ എന്നും നിലനിർത്തുക...

›
Monday, 8 January 2018

ഇന്നലെ തൃശൂർ സ്റ്റാൻറിൽ തിരുവനന്തപുരം KSRTC ബസ്സിൽ ഇരിക്കുമ്പോൾ സായാഹ്ന പത്രങ്ങളുമായി മുഷിഞ്ഞ വസ്ത്രം ധരിച്ച ഒരു പയ്യൻ കയറി വന്നു.. "ചൂടുള്ള വാർത്ത...! ചൂടുള്ള വാർത്ത.. ജലാറ്റിൻ കമ്പനി ആക്രമണത്തിന് പിന്നിൽ മാവോയിസ്റ്റുകൾ... " ആരും പത്രം വാങ്ങുന്നില്ല... "ബാർ കോഴ കൂടുതൽ തെളിവുകൾ പുറത്ത്" ആളുകൾക്ക് ഒരനക്കവുമില്ല.... ഉടനെ പയ്യൻ... മഞ്ജു വാര്യർ വീണ്ടും വിവാഹിതയാവുന്നു..!! വിവാഹം ജനുവരി 14 ന് " നിമിഷം കൊണ്ടാണ് പത്രം വിറ്റ് തീർന്നത് ഈയുള്ളവനും വാങ്ങി ഒരെണ്ണം. പണവും കീശയിലിട്ട് പയ്യൻ കൂളായി ഇറങ്ങി പോയി.... ഒന്നാം പേജ് മുതൽ അവസാന പേജ് വരെ എല്ലാവരും ഇരുന്ന് മറിക്കുകയാണ്, അങ്ങിനെ ഒരു വാർത്തയേ... ഇല്ല... എല്ലാവരും ജാള്യതയോടെ പരസ്പരം നോക്കുന്നുണ്ട് പക്ഷെ ഒന്നും മിണ്ടുന്നില്ല... അന്യന്റെ സ്വകാര്യതയിലേക്കുള്ള ഒളിഞ്ഞുനോട്ടമാണ് മലയാളിയുടെ ഏറ്റവും വലിയ വീക്നെസ് എന്ന മന:ശാസ്ത്രം അവൻ അനുഭവത്തിൽ നിന്ന് പഠിച്ച് വച്ചിരിക്കുന്നു....

›
Sunday, 24 December 2017

ക്രിസ്തുമസിനു കരോളുമായി ഇറങ്ങുമ്പോൾ അതിൽ ക്രിസ്ത്യനികൾ എത്ര പേർ ഉണ്ടെന്ന് ആരും തിരക്കിയിരുന്നില്ല... ക്ഷേത്രത്തിൽ മിച്ചം വരുന്ന കടുംപായസം വീതിച്ച് കഴിക്കുമ്പോൾ അതിന്റെ മധുരം മാത്രമേ മനസ്സിൽ ഉണ്ടായിരുന്നള്ളു..... കുട്ടുകാരനെ നിസ്കരിക്കാൻ വിട്ടിട്ട് പുറത്തു കാത്തു നിൽക്കുമ്പോൾ എന്താ ഇവിടെ ? എന്ന് ഒരാളും ചോദിച്ചിട്ടില്ല....... കാരണം സൗഹൃദങ്ങളിൽ ഒരിക്കലും ജാതിയും മതവും കലർന്നിരുന്നില്ല അതിനർഥം അതൊന്നും അറിയില്ല എന്നല്ല വിശ്വാസം വിശ്വാസം ആയും സൗഹൃദം സൗഹൃദം ആയും നില നിർത്താൻ കഴിഞ്ഞു എന്നതുകൊണ്ടാണ്. ആ ശുദ്ധി ഇനിയും ഈ ഭൂമിയോളം കാലം നിലനിൽക്കും എന്ന ഉറച്ച വിശ്വാസത്തോടെ എന്റെ എല്ലാ നല്ല സുഹൃത്തുക്കൾക്കും ഹൃദയും നിറഞ്ഞ ക്രിസ്സ്‌തുമസ്സ് ആശംസകൾ....

›
Wednesday, 20 December 2017

ഇന്ത്യയുടെ അഭിമാനമായ ബാങ്ക് എസ്. ബി. ഐ മൂന്നു മാസം കൊണ്ട് പിഴയായി ഈടാക്കിയത് എത്രയാണെന്ന് അറിയാമോ 235 കോടി രൂപ. സംഭവം തകര്‍ത്തെന്ന് തോന്നുന്നവര്‍ക്ക് ആരില്‍നിന്നു ഈടാക്കി എന്ന് കൂടി അറിയേണ്ടേ!!! മിനിമം ബാലന്‍സായി ആയിരം രൂപ അക്കൌണ്ടില്‍ ഇല്ലാത്ത പാവങ്ങളില്‍ നിന്ന്. ഓരോ ദിവസവും അന്നേക്കുള്ള അരി മേടിക്കാൻ കെൽപില്ലാത്തവനെ കൊണ്ട് (സബ്സിഡി )ഗ്യാസ്, വിദ്യഭ്യാസ, കൃഷി, ആന ചേന മാങ്ങ എന്നൊക്കെ പറഞ് പാവപ്പെട്ടവനെ കൊണ്ട് ബാങ്കിൽ അകൗണ്ട് എടുപ്പിച്ചിട്ട് ലക്ഷങ്ങൾ വരുമാനമുള്ളവന് അവന്റെ നിക്ഷേപങ്ങൾക്ക് പലിശ കൊടുക്കാൻ പോലും കെൽപില്ലാത്ത ബാങ്കുകൾ പാവങ്ങളുടെ പിച്ച ചട്ടിയിൽ കൈ ഇട്ടു വാരുന്ന ഈ അവസ്ഥയാ ണ് ...... ഇന്ന് നമ്മൾ കാണുന്ന ക്യാഷ് ലെസ്സ് ഇന്ത്യ... ഇനിയും നമ്മൾ ഇമ്മാതിരി കൊള്ളകൾക്കെതിരിൽ പ്രതികരിക്കാതിരിന്നാൽ വൈകാതെ ഇന്ത്യ സമ്പന്ന രാഷ്ട്രം ആകും എങ്ങനെയെന്നല്ലേ ലോകത്തിലെ തന്നെ ഏറ്റവും കൂടിയ ടാക്സ് റേറ്റ് ആണ് നമ്മുടെ തിളങ്ങുന്ന ഡിജിറ്റൽ ഇന്ത്യയിൽ ഇപ്പോഴുള്ളത് 28%. രണ്ടാം സ്ഥാനത്തുള്ള അർജന്റീനയിൽ 27%. UK 20. ബംഗ്ലാദേശ് 15. ചൈന 17. റഷ്യ 18. അമേരിക്ക 7.5. ജപ്പാൻ 8. പണ്ടൊരു സിനിമയിൽ പപ്പു പറഞ്ഞതുപോലെ ഇപ്പൊ ശരിയാകും എന്ന് പറയുകയാണ് നമ്മുടെ ഇന്ത്യൻ ഭരണകർത്താക്കൾ. ഇന്ന് അവശ്യസാധനങ്ങളുടെ വിലയും മറ്റെല്ലാ വിലകളും മാനം മുട്ടെ ഉയർന്നു കഴിഞ്ഞപ്പോ പാവം പൊതുജനത്തിനെ സഹായിക്കാൻ ആരുമില്ല എന്ന്സ്ഥി തിയായി. എന്തെങ്കിലും ഒരു എതിർ ശബ്ദം ഉയരുമ്പോൾ ജാതിയും മതവും രാഷ്ട്രീയവും പറഞ്ഞ് മറ്റ് പ്രശ്നങ്ങളുണ്ടാക്കും. നമ്മുടെ ശ്രദ്ധ മാറ്റും. ഇൗ അടുത്ത കാലത്ത് നാം കേട്ടതാണ് ചൈനീസ് ഉത്പന്നങ്ങൾ ഒഴിവാക്കണമെന്ന്. എന്നാല് സംഭവിച്ചതോ? കേന്ദ്രഗവമെന്റ് അനുയായി ആയ റിലയൻസ് jio കോടികണക്കിന് മൊബൈൽ ഫോണുകളാണ് ചൈനയിൽ നിന്നും വാങ്ങുന്നത്. എന്തിനാണെന്നോ 1500 രൂപ ഡെപ്പോസിറ്റ് മാത്രം വാങ്ങി ഇന്ത്യയെ ഡിജിറ്റൽ ഇന്ത്യയാക്കാൻ. ജനങ്ങളെ പറ്റിച്ച് ജീവിക്കുന്ന ഇത്തരക്കാരെ മനസ്സിലാക്കാതെ ആർഷ ഭാരത സംസ്കാരം പറഞ്ഞ് സ്വന്തം വീട്ടിൽ പോലും അത് നടപ്പിലാക്കാൻ ശ്രമിക്കാതെ ജീവിക്കുന്ന ജനങ്ങളെ നിങ്ങൾക്ക് നല്ല നമസ്കാരം. മറ്റൊന്ന് ഇന്ധന വിലയാണ്. ഇന്നലെ അത് 72 രൂപ കഴിഞ്ഞു. ദിനം പ്രതി വില മാറുമ്പോൾ ആരിതൊക്കെ ശ്രദ്ധിക്കാൻ അല്ലേ? ഈ പരിപാടി ഇറക്കിയവരും അത് തന്നെ ഉദ്ദേശിച്ചത് . പത്തോ ഇരുപതോ പൈസ വച്ച് ദിവസം കൂടുമ്പോൾ നമുക്കതൊരു ശീലമാകും.... ജപ്പാനിൽ ഭൂകമ്പം പോലെ. ഇന്ത്യാ മഹാരാജ്യത്തെ മുഴുവൻ ജനതയ്ക്കും അത്തരമൊരു ദുരന്തം ശീലമാകുവാൻ പോവുകയാണ്. പതിയെപ്പതിയെ .. എന്നാൽ സ്ഥിരമായി വർദ്ധിക്കുന്ന എണ്ണ വില. Mass psychology നല്ലവണ്ണം പഠിച്ച ഏതോ ബുദ്ധിരാക്ഷസന്റെ തലയിൽ വിരിഞ്ഞ തന്ത്രം... വേണ്ടപ്പെട്ടവരുടെ ഒത്താശ കൂടി ആയപ്പോൾ കാര്യങ്ങൾ എളുപ്പമായി. ഈ അടുത്ത കാലത്തായി വന്ന GST എന്ന നികുതി എന്തു കൊണ്ട് പെട്രോളിയം ഉൽപ്പന്നങ്ങൾക്ക് ബാധകമാക്കിയില്ല കാരണം പെട്രോളിയം ഉല്പന്നങ്ങളെ GST യുടെ പരിധിയിൽ വരുത്തിയിരുന്നേൽ ഇപ്പോഴുള്ള പെട്രോൾ വിലയുടെ 25ശതമാനത്തോളം വില കുറയുമായിരുന്നു 5 രൂപക്ക് ഫുൾ പ്ലേറ്റ് ചിക്കൻ ബിരിയാണി കിട്ടുന്ന ഏതെങ്കിലും സ്ഥലം ഇന്നീ ലോകത്തുണ്ടോ? ഉണ്ട് ഭായ്.... ഒന്നല്ല രണ്ട് സ്ഥലങ്ങളുണ്ട്. ഒന്ന് ഇന്ത്യൻ പാർലിമെന്റ് കാന്റീനാണ് പോലും. ജനാധിപത്യത്തിന്റെ സംരക്ഷണത്തിനാണല്ലോ എന്ന് കരുതി സഹിക്കാം. രണ്ടാമത്തെ സ്ഥലം 3 പൊതുമേഖലാ എണ്ണക്കമ്പനികളുടെയും മുഴുവൻ ഓഫീസുകളുടെയും കാന്റീനാണ്. പറഞ്ഞറിയിക്കാനാകാത്തതാണ് അവിടെയുള്ള ഓരോ ഉദ്യോഗസ്ഥനും ലഭിക്കുന്ന ആനുകൂല്യങ്ങൾ. ധൂർത്തും ആഡംബരങ്ങളും വേറെ . നിങ്ങൾ തീരുമാനിക്കൂ.... ഇവരെ നാം സഹിക്കണോ? എനിക്കെന്ത് ചെയ്യാൻ പറ്റും എന്നാണോ ചിന്ത? പറ്റും. ഈ പ്രശ്നം കൂടുതൽ ആൾക്കാരുടെ ശ്രദ്ധയിൽപ്പെടുത്തുക എന്ന ചെറിയൊരു ദൌത്യം നാം ഏറ്റെടുത്താൽ മാത്രം മതി. ഒരു കാര്യം ഒരു പാട് പേർ സ്ഥിരമായി ചർച്ച ചെയ്യുമ്പോൾ അത് ഒരു സാമൂഹ്യ പ്രശ്നമായി സമൂഹം അംഗീകരിക്കുകയും പ്രതിവിധികൾ അന്വേഷിക്കുകയും ചെയ്യും. ഇനിയും സമയം വൈകിയിട്ടില്ല...

›

മൻമോഹന്‍ സിംഗിനെതിരായ മോദിയുടെ പാക് പരാമര്‍ശം ആരും മാപ്പ് പറയാന്‍ പോവുന്നില്ലെന്ന് വെങ്കയ്യ നായിഡു.. മന്‍മോഹന്‍ സിംഗ് സായിപ്പായിരുന്നെങ്കിൽ ആയിരം വട്ടം മാപ്പ് പറഞ്ഞേനെ.. അതാണല്ലോ പാരമ്പര്യം...

›
Tuesday, 19 December 2017

എല്ലാ കൂട്ടുകാരും വിചാരിക്കുന്നു അവർ തിരക്കിലാന്ന് അവർ പരസ്പരം ബുദ്ധിമുട്ടിക്കണ്ട എന്നു കരുതി contact ചെയ്യുന്നില്ല.. കാലം പോകുംന്തോറും എല്ലാപേരും ചിന്തിക്കും "അവൻ എന്നെ വിളിക്കട്ടെ എന്ന് " കുറച്ച് കഴിയുമ്പോൾ അവർ ചിന്തിക്കും "എന്തുകൊണ്ട് നമ്മൾ ആദ്യം വിളിക്കണം" ഇവിടെ നിങ്ങളുടെ സ്നേഹം അഹന്ത ആയി മാറുന്നു... അവസാനം ഒരു contact ഉം ഇല്ലാതെ ഓർമ്മ നശിക്കുന്നു അവർ പരസ്പരം മറക്കുന്നു.. ഒരു ദിവസം അവർ കാണുകയും പരസ്പരം കുറ്റപ്പെടുത്തുകയും ചെയ്യും അതുകൊണ്ട് നമുക്ക് ഇടക്ക് ബദ്ധപ്പെട്ടൂകൊണ്ടിരിക്കാം.. Miss you my Friend's...

›